അക്ഷരശ്ലോകക്കാരെ അടക്കി ഭരിക്കാൻ കച്ചകെട്ടി ഈ രംഗത്തേക്ക് ഇടിച്ചുകയറി വന്ന കൊലകൊമ്പന്മാരായ ഉന്നതന്മാരുടെ നയപ്രഖ്യാപനം ഇങ്ങനെ ആയിരുന്നു :-
- അക്ഷരശ്ലോകം കലയാണ്. അന്യന്മാരെ ആഹ്ളാദിപ്പിക്കാത്ത ഒരു കലയും കലയല്ല.
- അക്ഷരശ്ലോകത്തിൻ്റെ ലക്ഷ്യം ശ്രോതാക്കളെ ആഹ്ളാദിപ്പിക്കലാണ്.
- ശ്രോതാക്കളെ ആഹ്ളാദിപ്പിക്കണമെങ്കിൽ സാഹിത്യമൂല്യമുള്ള ശ്ലോകങ്ങൾ തെരഞ്ഞെടുത്തു ചൊല്ലണം.
- ഷഡ് ഗുണങ്ങൾ ഉള്ള ശബ്ദം ഉള്ളവർക്കു മാത്രമേ ശ്രോതാക്കളെ വേണ്ടത്ര ആഹ്ളാദിപ്പിക്കാൻ കഴിയൂ.
- അക്ഷരശ്ലോകക്കാർക്കു സംഗീതഗന്ധിയായ അവതരണശൈലി കൂടിയേ തീരൂ. അല്പം സംഗീതം ചേർത്തു കൊഴുപ്പിച്ചു ചൊല്ലിയില്ലെങ്കിൽ ശ്രോതാക്കളെ ആഹ്ളാദിപ്പിക്കാൻ കഴിയുകയില്ല.
- ശ്ലോകം ചൊല്ലിയാൽ മാത്രം പോര. ശ്ലോകത്തിൻ്റെ ഭാവം പ്രകടിപ്പിക്കുകയും വേണം. നരസിംഹാവതാരത്തിലെ ശ്ലോകം ചൊല്ലിയാൽ നരസിംഹം മുന്നിൽ വന്നു നിൽക്കുന്ന പ്രതീതി ഉളവാകണം.
- മുൻപറഞ്ഞ മേന്മകൾ അളന്നു മാർക്കിട്ടായിരിക്കും ഇനിമേൽ ഞങ്ങൾ അക്ഷരശ്ലോകമത്സരങ്ങൾ നടത്തുക.
- മാർക്കു കുറഞ്ഞവരെ ആദ്യം തന്നെ എലിമിനേറ്റു ചെയ്യുന്നതായിരിക്കും.
- മാർക്കു കൂടുതൽ ഉള്ളവർ അച്ചുമൂളിയാലും ഞങ്ങൾ അവരെത്തന്നെ ജയിപ്പിക്കും.
- ഞങ്ങളുടെ തീരുമാനങ്ങൾ ആരും ചോദ്യം ചെയ്യാൻ പാടില്ല. ചോദ്യം ചെയ്താൽ ഞങ്ങൾ കഠിനമായി ശിക്ഷിക്കും.
കേരള അക്ഷരശ്ലോക ഫെഡറേഷൻ 